Lukaşenko: "Belarus Rusiyanın tərkib hissəsi yox, müstəqil dövlətdir"

Belarus prezidenti Aleksandr Lukaşenko növbəti dəfə sensasion bəyanatla çıxış edib.

Ölkə.az Balarusun rəsmi informasiya agentliyinə istinadən xəbər verir ki, prezident Lukaşenko jurnalistlərə verdiyi geniş mətbuat konfransında Rusiya-Belarus əlaqələrini şərh edib.

"Bəzi "ağıllılar" var deyirlər ki, Belarus "rus dünyasının" və ya Rusiyanın tərkib hissəsidir. Bunu yadınızdan çıxarın! Belarus - azad və müsatəqil dövlətdir. Biz istənilən bir dövləti müstəqiliyimizə hörmət etməyə məcbur edə bilərik. Əgər kimsə düşünürsə ki, Belarus adlı dövlət tarixdə olmayıb, onlar unutmasınlar ki, bu dövlət artıq var!", deyə Lukaşenko hiddətlə Rusiyadakı bəzi qüvvələrə sərt mesaj göndərib.

Daha sonra Lukaşenko qeyd edib ki, Belarus öz torpaqlarını heç kimə vermək niyyətində deyil və onun ali baş komandan kimi arxasında yüzminlərlə silahlı adam var ki, Belarusun müdafiəsi üçün canlarından belə keçərlər.

Ölkə.az