Bağdadda partlayışlar baş verdi

Bağdadda iki partlayış 11 nəfərin həyatına son qoyub.

Ölkə.Az "Al-Jazeera"ya istinadən xəbər verir ki, İraqın paytaxtında iki güclü partlayış baş verib.

Telekanalın yaydığı məlumata əsasən, 11 nəfər həyatını itirib, 25 nəfər ağır yaralanıb. Hücum şəhərin El-Bab Eş-Şarkiy bölgəsində baş verib. Terror aktına görə hər hansı qruplaşmanın məsuliyyəti öz üzərinə götürməsi barədə məlumat yoxdur. Cümə axşamı günü məlum olub ki, hücumlar nəticəsində Bağdadın ətrafında 20 iraqlı həlak olub.

Xatırladaq ki, 2014-cü ildə İraqda 15 min nəfər zorakılıq qurbanı olub, 22 mindən çox iraqlı ağır yaralanıb. Hökumətin məlumatına əsasən, ötən il 2013-cü illə müqayisədə ikiqat çox adam ölüb.

Rəşid Mustafazadə

Ölkə.Az