ABŞ Krıma qarşı sanksiyaları yumşaltdı

"...pul köçürmə əməliyyatları aparmaq qadağandır"

Ölkə.Az "Novaya qazeta"ya istinadən xəbər verir ki, ABŞ maliyyə nazirliyi amerika bankları və vətəndaşlarına Krımla özəl tranzaksiyaları həyata keçirməyə icazə verib. Bu barədə məlumat nazirliyin rəsmi saytında yerləşdirilib.

Qadağanın götürülməsi yalnız qeyri-kommersiya köçürmələrinə toxunub. Hüquqi şəxs və xeyriyyə fondlarının hesablarına pulların köçürülməsinə olan məhdudiyyətlər qüvvədə qalıb. Bununla yanaşı, fərdi sanksiyalara düşmüş şəxslərin də hesablarına hər hansı pul köçürmə əməliyyatları aparmaq qadağandır.

Xatırladaq ki, ABŞ prezidenti Barak Obama 2014-cü ilin 14 dekabr tarixində Krıma qarşı sanksiyalar paketini təsdiq etmişdi. Pul köçürmələrindən savayı, sanksiyalar paketində adaya mal və xidmətlərin ixracı və Krımdan idxalı da nəzərdə tutulurdu.

Rəşid Mustafazadə

Ölkə.Az