Türkiyədə polis idarəsinə silahlı hücum
Türkiyənin Rizə vilayətində rayon polis idarəsinin rəisi Altuğ Verdi bir polis işçisi tərəfindən silahlı hücuma məruz qalıb.
“Ölkə.Az” xəbər verir ki, yaralı dərhal xəstəxanaya aparılıb. Onun vəziyyəti ağırdır. Polis rəisini vuran şəxs saxlanılıb.
Əldə edilən məlumata əsasən, rayon yol polisi məmuru Altuğ Verdi ilə birlikdə idarənin işçisi Ercan Polat və iki başqa polisi də yaralayıb.
Silahlı hücumun görüş əsnasında baş verdiyi məlum olub.
Hikmət Həsənov
Ölkə.Az
