İŞİD Kobanidəki məğlubiyyətini etiraf etdi

İŞİD silahlı terror qruplaşması Suriyanın Türkiyə ilə həmsərhəd Kobani şəhəri uğrunda döyüşlərdə məğlubiyyətini etiraf edib. 

 

Bununla belə, silahlılar şəhərə yeni hücuma hazırlaşdıqlarını bəyan ediblər. 

 

Bu barədə terrorçulara yaxın olan “Aamak” informasiya agentliyinin yaydığı videoda deyilir. Silahlılar Amerika aviasiyasının hava zərbələri nəticəsində şəhəri tərk etdiklərini bildiriblər.

 

Qeyd edək ki, Kobaniyə hücumdan əvvəl terrorçular şəhərin ətrafındakı 300 kəndi ələ keçirmişdilər. Kobaninin 10 minlərlə sakini Türkiyədə sığınacaq tapıb. (musavat)