Əsgərliyə yaşı çatanların ölkədən çıxması qadağan edildi

Prezidentin göstərişi ilə Nazirlər kabineti əsgərliyə yaşı çatanların ölkədə çıxması haqqında yeni qaydalar hazırlayır.

Ölkə.az Ukrayna KİV-lərinə istinadən xəbər verir ki, Poroşenko hökumətə bu məsələ ilə bağlı bu gün göstəriş verib.

Donbassda vəziyyət gərginləşdikcə döyüş zonasına daha çox hərbi qüvvə cəlb edən Kiyev, separatçıların qəfil əks-hücumundan sonra ölkədə səfərbərlik etmək qərarına gəlib. Döyüş bölgəsinin genişlənməsi, qanlı döyüşlərin şiddətləndiyi bir vaxtda Ukraynanı tərk etmək istəyənlərin sayının çoxalması rəhbərliyi belə bir addımı atmağa məcbur edib..

Xatırladırıq ki, bu gün artıq Ukraynanın sərhəd xidmətinə ölkədən gedənlərin arasında əsgərlik yaşına düşənlərin xaricə buraxılmasına məhdudiyyət qoyulması haqqında göstəriş verilib. Bu isə Donbasdakı müharibənin daha da qızışacağından xəbər verir.

Ölkə.az