Ölən evliləri dəfn etməyib çürüdən qəbilənin

“Ölkə.Az” xəbər verir ki, sözügedən kənddə heç kəs dəfn edilmir. Balinin dağ kəndi olan Trunyanda çox maraqlı dəfn ritualı həyata keçirilir.

Sakinlər ölənlərini nə dəfn edir, nə də yandırırlar. Trunyan kəndində vəfat edənləri bambukdan hazırlanan xüsusi qəfəslərdə çürüdürlər. 

Ölən insanı əvvəlcə yağış suyu ilə yuyurlar. Sonra isə kəllələrini bir bezlə bağlayırlar. Meyitlərin olduğu yerə ancaq kişilər girə bilər. Bu əraziyə qadınlar girəndə yerli sakinlər ya zəlzələ olacağından, ya da vulkan püskürəcəyindən qorxurlar.

Meyitlər tam quruduqdan sonra kəllə sümüyü və sümükləri toplayıb meşədəki bir əraziyə aparırlar. Ölən insanın sümüklərini meşədəki digər sümüklərin yanına yığırlar.

Maraqlıdır ki, bu ritual ancaq evli şəxslərə şamil edilir. Subaylar öləndə onu torpağa basdırırlar. Bambukdan hazırlanan qəfəslər isə “Taru Menyan” adlı ağacların altında yerləşir. Bu ağacların meyit qoxusunu yox etdiyi düşünülür. Bütün bambuk qəfəslər ölülərlə dolu olanda “Brutut” adlı bir ayin keçirilir. Bu ayində kişilər qurudulmuş banan qabığından hazırlanan paltar geyinirlər. Üç gün davam edən ayinlərdən sonra bambuk qəfəslər boşaldılır.

Hikmət Həsənov
Ölkə.Az