Rus hərbi bazasının zabiti yerli sakini vəhşicəsinə döydü

Rusiyanın 201-ci hərbi bazasının zabiti içkili vəziyyətdə yerli sakini vəhşicəsinə döyüb.

Ölkə.az Rusiya KİV-lərinə istinadən xəbər verir ki, Rusiyanın Tacikistandakı 201-ci hərbi bazasının zabiti ölkənin Kulyab vilayətindəki kafelərdən birində ofisiantı vəhşicəsinə döyüb.

Məlumata görə rus zabit bərk sərxoş olub. Faktla bağlı Kulyab vilayıt prokurorluğunda cinayət işi qaldırılıb.

Xatərladırıq ki, rus zabitlərinin iştirakı ilə belə insidentlərin baş verməsi nadir hal deyil. 2014-cü ilin avqustunda Düşənbədə Fyodr Basimov və İldar Sahipov tərəfindən yerli taksi sürücüsü öldürülmüşdü. Taksi sürücüsünün cəsədini polis əməkdaşları Düşənbənin kənarənda tapmışdılar.

Qeyd edək ki, Rusiyanın Tacikistandakı 201-ci hərbi bazasında 7 min rus hərbçu qulluq edir. Bazanın Düşənbə, Kurqan-Tübe və Kulyab vilayətlərində hərbi hissələri var.

Ölkə.az