Kürdlər İŞİD-çiləri Kobani ətrafından qovdu

İŞİD-çilər geri çəkilir.

Ölkə.Az Reuters agentliyinə istinadən xəbər verir ki, kürd hərbçiləri Suriyanın sərhədyanı Kobani şəhərinin ətrafında olan İŞİD terror qruplaşması üzvlərini sıxışdırıblar.

Bu barədə məlumat Suriyada İnsan haqları üzrə müşahidə şurası tərəfindən yayılıb. Hüquq müdafiəçilərinin məlumatına əsasən, kürdlər gecə saatlarında 13 kəndi azad ediblər.

"Biz geniş müqaviməti müşahidə etmirik", - deyə şuranın üzvü Rami Əbdülrəhman bəyan edib. O qeyd edib ki, İŞİD yaraqlıları 5-6 km uzaqlaşıb.

Xatırladaq ki, bir müddət öncə İŞİD-çilərin nəzarətə aldığı Kobani şəhərinin kürd hərbi birləşmələri tərəfindən tutulduğu haqqında xəbərlər yayılmışdı. Qeyd edək ki, İŞİD bir çox ölkələrdə rəsmi olaraq terror təşkilatı kimi tanınıb.

Rəşid Mustafazadə

Ölkə.Az