Ağ Ev: ABŞ Rusiyanı dünyadan təcrid etməyə davam edəcək
Ağ Evin rəsmisi Coş Ernest ABŞ-ın Rusiyanı təcrid siyasətini davaçm etdiricəyini bildirib.
Ölkə.az ABŞ mediasına istinadən xəbər verir ki, Ernest Obamanın Rusiya məsələsindəki mövqeyinin dəyişmədiyini vurğulayıb.
"ABŞ-ın Rusiyaya qarşı strategiyası çox uğurludur. Sanksiyalar Rusiya iqtisadiyyatını artıq çökdürür, rublun devalvasiyası davam edir", deyə Ernest sözlərinə əlavə edib.
Xatırladırıq ki, Rusiyanın Ukraynaya qarşı aqressiyası ABŞ və Aİ ölkələrini Moskvaya qarşı təzyiq rıçaqlarını işə salmağa məcbur etmişdi. 2014-cü ilin əvvəlindən başlayan Ukrayna böhranı artıq Rusiya iqtisadiyyatına 200 milyard dollara başa gəlib. İqtisadi böhran isə dərinləşməkdə və Rusiyanı çökdürməkdə davam edir.
Ölkə.az
