Obamanı öldürmək istəyən şəxs tutuldu

O, ruhi xəstədir.

Ölkə.Az "İnterfaks" agentliyinə istinadən xəbər verir ki, ABŞ-ın Vayominq ştatının Şayenn şəhərində Ağ Evi partlatmaq və Barak Obamanı öldürəcəyi ilə hədələyən ruhi xəstəni saxlanıb. Psixoloji pozğunluqlar şöbəsində müalicə alan Devid Dueyn Perri yanvar ayının sonunda 911 nömrəsinə zəng edərək ABŞ prezidentini öldürəcəyini bildirib.

Qaydalara uyğun olaraq, bu zəng haqqında məlumat amerika xüsusi xidmət orqanlarına verilib və onlar Perrini saxlamağa müvəffəq olublar. Bundan əlavə şəhər məhkəməsinin qərarına əsasən, Perri 45 gün müddətinə ekspertizanın aparılması üçün müalicə yerinə qaytarılıb. Məhz ekspertizadan sonra Perrinin məhkəmə qarşısında məsuliyyət daşıyıb-daşımayacağı müəyyən olunacaq.

Qeyd edək ki, ABŞ qanunvericiliyində prezidentin ölümlə təhdid olunmasına görə 10 il azadlıqdan məhrumetmə cəzası nəzərdə tutulub.

Rəşid Mustafazadə

Ölkə.Az