Dilənçilərə pul verənlərə bir il həbs

Dilənçilərə sədəqə verənlərə hökumətin sərt tədbiri.

Ölkə.Az RİA Novosti agentliyinə istinadən xəbər verir ki, Norveç hökuməti dilənçilərə istənilən şəkildə yardım edən şəxslərə 12 aylıq həbs cəzasının verilməsini nəzərdə tutan qanun layihəsinə baxıb.

Əvvəl bu layihə ciddi formada təşkilatlanmış peşəkar dilənçi qrupları ilə mübarizə aparmaq üçün nəzərdə tutulsa da, miqyasını genişləndirib.

"Biz polis əməkdaşlarına dilənçilərin xüsusi axınına səbəb olan şəxslərə qarşı ciddi tədbirlərin görülməsi üçün qanuni hüquqlar verməliyik", - deyə Norveçin Ədliyyə Nazirliyinin dövlət katibi Vidar Brien-Karlsen qeyd edib.

Qanun layihəsi ilə bağlı yekun qərar fevral ayının 15-ə kimi qəbul edilməlidir.

Rəşid Mustafazadə

Ölkə.Az