Suriya İordaniya ilə İŞİD-ə qarşı birləşir?

İslam dünyasından reaksiya gəlib.

Ölkə.Az "MİGnews"a istinadən xəbər verir ki, iordaniyalı pilot Müəzza Kasasbehin İŞİD terror qruplaşması üzvləri tərəfindən edam olunması islam dünyasında, o cümlədən Suriyada əks-səda doğurub.

Suriya XİN bu edamı pisləyərək ağlasığmaz terror cinayəti adlandırıb. Nazirlik İordaniya hökumətini İŞİD və Cəbhət ən-Nusra terror təşkilatlarına qarşı müharibədə əməkdaşlıq etməyə çağırıb.

Qeyd edək ki, Dəməşq hökuməti uzun müddət öncə İordaniya hökumətinin "cihadçıları" dəstəklədiyini bəyan etmişdi.

Rəşid Mustafazadə

Ölkə.Az