İŞİD pilotu niyə diri-diri yandırdı?

İŞİD terror qruplaşması iordaniyalı pilotu diri-diri yandiraraq edam etməsinin səbəblərini açıqlayıb.

Öz vəhşi hərəkətinə terror qruplaşması belə haqq qazandırmağa çalışıb: "Şəhərimizə və üzərimizə bomba yağdıranları biz də bu şəkildə cəzalandırırıq".

İordaniyalı pilotu diri diri yandırılmasından təbliğat kimi istifadə edən terrorçular yaydığı video görüntülərdə ABŞ-ın rəhbərlik etdiyi anti-İŞİD koalisiyasına daxil olan ölkələrin hərbi təyyarələrinin Rakka şəhərini bombaladığı və insanların yanaraq can verməsi əks olunub. 

Yayılan məlumatlarda bildirilir ki, Rakkada dünən axşam saatlarında terrorçular küçələrə televizorlar və divarlara proyektorlar qoyaraq pilotun yandırılması səhnəsini camaata canlı izlətdiriblər.

Məlumatlardan aydın olur ki, İŞİD iordaniyalı pilotu yandırdığı yeri məqsədli olaraq seçib. Belə ki, pilotun qəfəsə salındığı yer ABŞ təyyarələrinin bombaladığı bir evin qabağı olub. 

İŞİD bununla nəzarət etdiyi ərazilərdə yaşayan mülki şəxslərə mesaj vermiş olub. 

Qeyd edək ki, iordaniyalı pilot Muaz Kesasibenin öldürülmə şəkli İŞİD-in ələ keçirdiyi bölgələrdə birmənalı qarşılanmayıb. İŞİD-in baş kəsmək və ya insanları daşlamaq səhnələrinin dində istinadları olduğu halda, insanı diri-diri yandırmağın dində olmadığı bildirilir. Bu səbəbdən pilotun edam səhnəsinin İŞİD-ə baha başa gələcəyi bildirilib. (ans)

Ölkə.Az