Stalinin nəvəsi: "Bu kağıza əsasən, Stalin osetindir..."
Stalin milliyyətcə kimdir?
Ölkə.Az xəbər verir ki, SSRİ lideri İosif Stalinin nəvəsi Yakov Stalin şəxsi bloqunda babası barədə yazı yerləşdirib.
"Stalinin milliyyəti haqqında" adlı yazı bir çoxları tərəfindən böyük maraqla qarşılanıb.
Yakov bildirir ki, son vaxtlar onun qanının analiz edilməsi və nəticədə hansı etnik qrupa aid olduğunu öyrənmək üçün bir çox şəxslər ona müraciət edir. Stalinin nəvəsi yazır ki, hər zaman bu təkliflərlə müraciət edənlərə rədd cavabı verib.
"Lakin bir müddət əvvəl analoji təklifi hörmət etdiyim adamlardan aldım. Onlardan bəziləri ilə şəxsən tanışam. O insanlar mənim üçün əhəmiyyət kəsb etdiyi üçün və onlarla dostlu münasibətlərini saxlamaq fikrində olduğuma görə analizdan imtina etməyimin səbəbini izah etmək istərdim. Məsələ burasındadır ki, ömrümüz boyu əldə etdiyimiz istənilən bir bilik bizə xeyir verməlidir. Bu bilik material və mənəvi həyatımızın yaxşılaşdırılmasına yardım etməlidir. Əgər əldə etdiyimiz bilik bizim mədəni səviyyəmizin yüksəlməsinə xidmət etmirsə, bizi ağıllandırmırsa, o, nəyə lazımdır və biz onu "bilik" adlandıra bilərikmi?", - deyə Stalinin nəvəsi yazıb.
Yakovun yazdığına əsasən, Stalinin digər nəvəsi Aleksandr Burdonskiy (Vasiliyin oğlu) analiz verib və müxtəlif internet mənbələrdə verilənlərə görə, Burdonskinin osetinlərə məxsus qana malik olduğu məlum olub.
"Kobud desək, bu kağıza əsasən, Stalin osetin olub. Bu biliklə biz nə edək? Onu necə tətbiq edək? Bəyəm o, İosif Stalinin gördüklərinin əhəmiyyətini və ya o illərin təbiəti və hadisələrdəki rolunun əhəmiyyətini izah edirmi? Çox dəyərli bilikdir!", - deyə o əlavə edib.
Sonda bloqunda Yakov əlavə edib ki, bu cür "tədqiqatların" əleyhinədir.
"Mən bütün bu cür "tədqiqatların" əleyhinəyəm və istərdim ki, Stalinin milliyyəti onun haqda həqiqətin xalqa çatmadığı zamana qədər olmasa yaxşıdır. O zaman çatanda, insanlar başqa olacaq və İosif Stalinin milliyəti barədə suallar sıradan çıxacaq", - deyə Stalinin nəvəsi qeyd edib.
Rəşid Mustafazadə
Ölkə.Az
