Rusiya Krımda hərbi təlimlərə başladı

Ukrayna, Rusiya, Fransa və Almaniya liderlərinin sabahkı Minsk görüşü sual altındadır

“Reuters”in Moskvadan verdiyi xəbərdə deyilir ki, 600 nəfərdən çox Rusiya əsgəri çərşənbə axşamı Krımda hərbi təlimlərə başlayıb. Sabah isə Ukrayna böhranı ilə bağlı Belarus Respublikasının paytaxtı Minskdə beynəlxalq səviyyəli danışıqlar başlanacaq.

“Reuters” bu xəbəri “RİA Novesti” agentliyinə istinadən yayıb. Rusiya agentliyinə isə Qara dəniz donanmasındakı mənbə bildirib ki, onlar sahilboyu müdafiə xarakterli hərbi təlimlər keçirirlər. Təlim zamanı 50 ədəd ağır texnikadan istifadə olunub.

Ukrayna, Rusiya, Fransa və Almaniya liderlərinin Minskdəki sabahkı görüşü ərəfəsində belə bir hərbi təlimin keçirilməsi aparılacaq danışıqların uğursuzluğuna açıq işarə hesab oluna bilər. (musavat)

Ölkə.Az