Analitik: "Rublun taleyi Minsk görüşündən asılıdır"

Bu gün Belorusun paytaxtı Minskdə "normand dörtlüyü"nün görüşü gözlənilir.

Ölkə.az Rusiya KİV-lərinə istinadən xəbər verir ki, "PROFIT Group"un analitiki Qleb Zadoya ölkə iqtisadiyyatının və o cümlədən rublun taleyinin bu görüşün nəticəsindən asılı olduğunu bildirib.

Analitikin sözlərinə görə, son bir neçə gün ərzində neftin qiymətləri qeyri-sabit olduğundan rublun valyuta bazarında özünü möhkəmlənməsi mümkün olmayıb.

"Əgər vəziyyət belə davam etsə rublun inflyasını dayandırmaq mümkün olmayacaq. Bazarı sabitləşdirmək və iqtisadi tənəzzülün qarşısını almaq üçün sanksiyaların yumşaldılması əsas şərtdir. Əgər Donbas probleminin həlli istiqamətində konkret nəticələr əldə olunmasa, Rusiyaya qarşı yeni sanksiyalar paketi tətbiq olunacaq və iqtisadiyyat daha da ağır vəziyyətə düşəcək", deyə analitik Kremlə xəbərdarlıq edib.

Ölkə.az