Hakerlər Obamanın ailəsini hədələdi
FTB istintaqa başlayıb.
Özünü “Kiberxalifat” adlandıran hakerlər qrupu (CyberCaliphate) “Newsweek” jurnalının Twitter səhifəsini sındıraraq, orada ABŞ prezidenti Barak Obamanın ailəsinin ünvanına hədələr yağdırıblar.
Daha öncə Pentaqonun rəsmi səhifələrinin sındırılmasına görə məsuliyyəti öz üzərinə götürən hakerlər, birinci xanım Mişel Obamanı Sevgililər günü münasibəti ilə “təbrik ediblər”, bu günü “Qanlı müqəddəs Valentin günü” adlandıran hakerlər onu, qızlarını və ərini izlədiklərini bildiriblər. Onlar “Je suis IS” kimi imza qoyublar, Reuters xəbər verir.
Hal-hazırda “Newsweek” jurnalının Twitter-də fəaliyyəti bərpa edilib, FTB isə istintaqa başlayıb.(oxu.az)
Ölkə.az
