"Boko Haram"ın 13 üzvü məhv edildi
"Boko Haram" yenidən itkilər verib.
Ölkə.Az "Reuters" agentliyinə istinadən xəbər verir ki, Çad ordusu ilə "Boko Haram" terror qruplaşması arasında olan toqquşmada 13 yaraqlı məhv edilib.
Toqquşmalar Nigeriyanın Qambaru şəhərində terror qruplaşmasının mövqelərinə regional hücum çərçivəsində baş verib. Çad ordusunda bir nəfərin öldüyü barədə məlumat yayılıb.
"Boko Haram" Nigeriyanın radikal islam sektasıdır və 2002-ci ildə Nigeriyanın şimalında Məhəmməd Yusif adlə şəxs tərəfindən yaradılıb. Qruplaşmanın əsas məqsədi bütün Nigeriya ərazisində şərətin tətbiqi və Qərb həyat tərzinin silinməsidir. 2014-cü ilin may ayında BMT Təhlükəsizlik Şurası tərəfindən terror təşkilatları siyahısına salınıb.
Rəşid Mustafazadə
Ölkə.Az
