İsrail mətbuatı: Ermənistan anti-semitizmin ən güclü olduğu ölkədir

“Ermənistan “erməni soyqırımı”nı ictimailəşdirmək və Amerikada tanıtdırmaqla, bir növ özündə çoxdan mövcud olan anti-semit hərəkətlərdən və bəşəriyyətə qarşı cinayətlərdən boyun qaçırmaq istəyir”.

APA-nın məlumatına görə, bu sözləri yəhudi bloqgeri İsrael Barouk “Times if İsrael” qəzetində dərc olunan məqaləsində yazıb. O, II Dünya Müharibəsində 20 mindən çox erməni əsilli nasistin yəhudi soyqırımında iştirak etdiyini söyləyərək, 1930-cu illərdə ermənilərin Amerikada dərc olunan “Hairenik” qəzetinin Hitler rejiminə tam dəstək verdiyini qeyd edib: “Rusiya əraziləri boyunca minlərlə yəhudinin qətliamında iştirak edən nasist ermənilərdən iki nəfər - general Dro və general Njde bu gün Ermənistanın milli qəhrəmanları kimi xatırlanır”.

Məqalədə bildirilir ki, Ermənistan şərqi Avropada anti-semitizmin ən güclü olduğu ölkədir, bütün Avropada isə üçüncü yerdə qərarlaşır: “2014-cü ilin sorğularına görə, Ermənistanda yetkin yaşda olan 2,2 milyon nəfərdən 1,3 milyonu anti-semit əhval ruhiyyəlidir”.

Ermənistandakı anti-semitizm səviyyəsinin İrandakından 2 faiz daha artıq olduğunu deyən müəllif əlavə edib: “Təsadüfi deyil ki, Suriya və İran hazırda bu ölkənin əsas müttəfiqləridir”.

Ölkə.az