ABŞ Rusiyaya qarşı sanksiyaları ləğv etməyə hazırdır

Kerri şərtləri irəli sürüb.

Ölkə.Az xəbər verir ki, ABŞ Dövlət departamenti rəsmi saytında Senatın Xarici əlaqələr komitəsinin sədri Con Kerrinin Rusiya əleyhinə tətbiq edilmiş sanksiyaların ləğv olunmasının mümkünlüyündən bəhs edən bəyanatını yerləşdirib.

Kerrinin sözlərinə görə, ABŞ Kremlin Minskdə iki mərhələdə aparılan danışıqlar nəticəsində əldə olunan sülh razılaşmasına əməl etdiyi halda Rusiya ilə münasibətləri normallaşdırmaya hazır ola bilər.

"Uzun müddət bəyan etdiyimiz kimi, ABŞ Rusiyaya qarşı sanksiyaların ləğv edilməsi məsələsinə həm 2014-cü ilin sentyabrından bəri Minks razılaşması, həm indiki razılaşmanın tamamilə yerinə yetirildıyi halda baxa bilər. Buraya atəşin tamamilə dayandırılması, bütün xarici qoşunların və texnikanın Ukraynadan çıxarılması, Ukraynanın beynəlxalq sərhədlərə nəzarətinin bərpa edilməsi və girovların azad olunması daxildir", - deyə stenoqramda bildirilib.

Kerri avropalı müttəfiqlərin, yəni Merkel və Ollandın komandaları ilə birlikdə razılaşmanın əldə olunmasındakı rolunu xüsusilə qeyd edib.

Rəşid Mustafazadə

Ölkə.Az