Çexiya prezidenti Rusiyada böhranın səbəbini açıqladı

"Mən nikbin insanam və istənilən barışığa müsbət yanaşıram..."

Ölkə.Az "Gazeta.ru"a istinadən xəbər verir ki, Çexiya prezidenti Rusiyada yaranan iqtisadi böhranın səbəbini açıqlayıb.

Prezident Miloş Zeman hesab edir ki, Rusiyada iqtisadi böhranın yaranması sanksiyaları ilə bağlı yox, neftin qiymətlərinin düşməsi ilə əlaqəlidir. Bu barədə dövlət başçısı "Radio Praqa" radiostansiyasının efirində çıxış edərkən bəyan edib. Onun sözlərinə görə, sanksiyaların yumşaldılması və ya ləğvi həm Rusiya, həm də Avropa İttifaqı ölkələrinin xeyrinə olacaq. Zeman, həmçinin əldə olunmuş minsk razılaşmalarını da şərh edib.

"Mən nikbin insanam və istənilən barışığa müsbət yanaşıram. Mən çox ümid edirəm ki, bu dəfə razılaşmaya əməl olunacaq və insan ölümlərinə son qoyulacaq", - deyə Çexiya prezidenti qeyd edib.

Bir müddət öncə məlum olub ki, Çexiya prezidenti Miloş Zeman Moskvada Qələbə günü münasibətilə keçiriləcək kütləvi tədbirlərə qatılacaq.

Rəşid Mustafazadə

Ölkə.Az