Zaxarçenko: "Xarkovu da alacağıq"
Donbas üsyançılarının lideri Xarkovu zəbt edəcəklərini bildirib.
Ölkə.az "Ria NOVOSTİ" agentliyinə istinadən xəbər verir ki, "Donetsk xalq respublikasının" lideri Aleksandr Zaxarçenko Ukrayna rəhbərliyinə xəbərdarlıq edib.
"Ukrayna ordusu Debaltsev rayonundan çıxmasa, Minsk razılaşması yerinə yetirilməsə, biz Mariupol və Xarkovu tutacağıq. Biz Kiyevin ağıllı davranacağına, silahlı qruplaşmalarını "DXR" sərhədlərindən geri çəkəcəyinə ümid edirik. Əks təqdirdə biz Ukrayna qoşunlarının cəmləşdiyi bu zonanı məhv edəcəyik", deyə Zaxarçenko bildirib.
Xatırladırıq ki, hazırda Debaltsevo rayonunda 8 mindən çox Ukrayna əsgəri cəmləşib. Əraziya zirehli tüxnika, artilleriya qurğuları cəlb olunub.
Ölkə.az
