Daha bir Azərbaycan düşməni Ukrayna rəhbərliyində

"Şəbəkə trolu" prezidentin və müdafiə nazirinin müşaviri təyin edildi

Ölkə.az xəbər verir ki, tanınmış şəbəkə fəalı, Rusiya və Putin əleyhinə sərt yazıları və radikal fikirləri ilə sosial şəbəkə istifadəçiləri arasında məşhur olan Pavel Şextman Ukrayna prezidenti və müdafiə nazirinin müşaviri təyin edilib.

Rusiya vətəndaşı olan Şextman keçən həftə Moskvada polis tərəfindən saxlanmış və ev həbsinə məhkum edilmişdi. Dünən Kiyevdə peyda olan və Ukrayna KİV-lərinin qarşısına çıxan Şextman artıq Ukrayna prezidenti və müdafiə nazirinin müşaviri olduğunu elan edib. Jurnalistlərin "Ev həbsində idiniz, Kiyevə necə gəldiniz?" sualına Şextman belə cavab verib: "Qaçdım, sərhəddəki deşiklərdən birindən qaçdım və Kiyevə gəldim", deyə cavab verib.

Xatırladırıq ki, Pavel Şextman sosial şəbəkələrdə Qarabağ konflikti haqda da yazılar yazıb və ermənilərin mövqeyini müdafiə edib.

Ölkə.az