Ukrayna ABŞ-dan hərbi texnika istədi

Kiyev ABŞ-a lazımi hərbi texnikanın siyahısını ötürüb.

Ölkə.Az "UNİAN" xəbər agentliyinə istinadən xəbər verir ki, Ukrayna Müdafiə nazirliyi amerikan tərəfinə lazım olan hərbi texnikanın siyahısını təqdim edib.

Bu barədə müdafiə nazirinin müşaviri Yuriy Birükov bəyan edib. O qeyd edib ki, dəqiqləşdirilmiş siyahı ilə yanaşı, daha bir milyard dolların əlavə olaraq ödənilməsi mümkün olan, 3 il müddətinə 350 milyon dollarlıq ilk kredit tranşı müzakirə olunub.

"Amerikalılar qəti "yox" demir. Onlar deyir ki, Ağ Evdə qərar indi qəbul edilməyib, ancaq o, qəbul ediləcək - gəlin işləyək. Buna görə iş aparılır. Söhbət həm də zirehli texnika və silahlanmadan gedir", - deyə Birükov dəqiqləşdirərək söyləyib.

Rəsmi olaraq Amerika bir neçə dəfə uçuş silahlanması təchizatında imtina etmişdi. Donbasda silahlı münaqişə zamanı ABŞ Kiyevə 320 milyon dollar ayırıb. Onlardan 20 milyon ölkədə islahatların aparılması, 3 milyon - Donbas köçkünlərinə yardım, qalan məbləğ isə hərbi təchizata sərf olunacaq.

Rəşid Mustafazadə

Ölkə.Az