\"Foursquare\" itirdiyi istifadəçiləri geri qaytarır

"Foursquare" üzv olma şərtini ləğv edib.

Ölkə.Az xəbər verir ki, bir zamanlar "ağıllı" telefon istifadəçilərinin imtina edə bilmədiyi tətbiqlər arasında yer alan "Foursquare" check-in üçün olan tətbiqi "Swarm"ı istifadəçilərinə təqdim edərək xeyli sayda istifadəçilərini itirmişdi. "Foursquare"u yalnız məkan tövsiyələri verən bir tətbiqə çevirən səlahiyyətlilər bu səhvin fərqinə varıblar.

"Foursquare" itirdiyi istifadəçilərin ən azından bir qismini qazana bilmək məqsədiylə tətbiqi istifadə üçün hesab açma şərtini qaldırıb. Beləcə tətbiqə daxil olan istifadəçilər hesab açmadan məkan tövsiyələrini edə biləcək.

"Foursquare" bu addımıyla itirdiyi istifadəçiləri geri qazanmaq istəyir. "Foursquare"ın daha əvvəl tətbiq etdiyi səhv siyasətdən sonra bu addımının nəticələri maraqla gözlənilir.

Ölkə.Az