Sarkisyan həmsədrlərlə görüşdü

Ermənistan prezidenti Serj Sarkisyan ATƏT-in Minsk qrupunun həmsədrləri ilə görüşüb.

Bu barədə Ermənistan mətbuatı yazır. Bildirilir ki, Sarkisyan İrəvanda regional səfərdə olan ATƏT-in Minsk qrupunun həmsədrləri Ceyms Uorlik (ABŞ), İqor Popov (Rusiya), Pyer Andryö (Fransa) və ATƏT-in fəaliyyətdə olan sədrinin şəxsi nümayəndəsi Anji Kaspişiki qəbul edib.

Vasitəçilər Bakıda keçirdikləri görüşlər barədə Sarkisyanla təəssüratlarını bölüşüblər.

Həmçinin görüşdə danışıqların hazırkı mərhələsində mövcud olan problemlər və gələcək addımlarla bağlı məsələlər müzakirə edilib. (ans)

Ölkə.Az