Obama: ABŞ İslama qarşı deyil, ekstremistlərə qarşı döyüşür

ABŞ Prezidenti Barak Obama Birləşmiş Ştatların İslama deyil, dini təhrif edən terrorçulara qarşı döyüşdüyünü deyib.

Ekstremizmlə mübarizəyə dair keçirilən sammitdə çıxış edən Barak Obama dinin onun tərəfdarları tərəfindən törədilən cinayətlərə görə məsuliyyət daşımadığını bəyan edib.

ABŞ rəsmilərinin verdiyi məlumata görə, Suriya və İraqda İŞİD tərəfdən dünyanın 100-ə yaxın dövlətindən 20 minə qədər xarici yaraqlı döyüşür.

Ağ evin nümayəndəsi ABŞ və Rusiya arasında münasibətlərin korlanmasına baxmayaraq, bu həftə Vaşinqtonda keçiriləcək ekstremizmlə mübarizəyə həsr olunmuş konfransda Rusiyanın Federal Təhlükəsizlik Xidmətinin başçısı Aleksandr Bortnikovun da iştirak edəcəyini bildirib./Azərtac/

Ölkə.Az