Türkiyə XİN erməniləri məyus etdi

Türkiyə Xarici İşlər Nazirliyi Türkiyənin ingilis dilli “Today’s Zaman” nəşrinin Çanaqqala zəfərinin aprelin 24-ə təyin edilmiş 100-cü ildönümü tədbirlərinin ləğv edildiyi barədə xəbərini təkzib edib.

İstanbulda çıxan erməni dilli “Akos” qəzetinin sorğusuna cavab olaraq nazirlikdən məlumatın əsassız olduğu bildirilib.

XİN rəsmisi Çanaqqala törənlərinin vaxtında keçiriləcəyi ilə bağlı hər hansı problemin olmadığını və bu yöndə ön tədbirlərin davam etdiyini söyləyib.

Xatırladaq ki, “Today’s Zaman” bugünkü xəbərində guya təntənəli tədbirə hazırlıqların dayandırıldığını, bunu da guya dəvət göndərilən ölkələrin əksəriyyətinin liderlərinin tədbirə qatılmaqdan imtina eləməsi ilə əlaqələndirmişdi. (musavat)

Ölkə.Az