"Putinə yadplanetlilər kömək edir"

Britaniyalı siyasətçi bəyan edib ki, Putinə yadplanetlilər yardım edir.

Ölkə.Az "Chronicle Live"a istinadən xəbər verir ki, Böyük Britaniyanın Leyborist partiyasının üzvü Saymon Parks "nord yadplanetlilərinin" (bəzi mənbələrdə "nord əcnəbiləri") Rusiya prezidenti Vladimir Putinə Ukraynaya müdaxilə etməyi tövsiyə etdiyi və ABŞ-a əks-təsir göstərmək üçün fövqəltəbii silah verdiklərini bəyan edib.

Britaniyalı siyasətçinin sözlərinə görə, Ukraynanın şərqindəki silahlı münaqişə Yerdən uzaq olan sivilizasiyaların müdaxiləsi nəticəsində başlayıb.

"Əvvəllər Putin reptiloidlərlə məsləhətləşən insanlar qrupuna daxil idi. Lakin "nord yadplanetliləri" Putinə qarşılıqlı təklif ediblər. Onların Putinə təqdim etdiyi yeni texnologiyalar ABŞ-ın texnologiyalarına bərabərdir", - deyə Saymon Parks qeyd edib.

O düşünür ki, məhz "nord yadplanetliləri" Putinə ABŞ-a müqavimət göstərməyi tövsiyə ediblər.

Qeyd edək ki, bir müddət öncə Parks atasının yadplanetli olduğunu və 5 yaşında naməlum varlıqlarla təmasda olduğunu bəyan etmişdi.

Rəşid Mustafazadə

Ölkə.Az