Lukaşenko: \"Belarusu ya Rusiya əlinə keçirəcək, ya da Qərb ağılla özünə tabe edəcək\"

ABŞ-ın Redford universitetinin professoru Qriqoriy İoffenin "Lukaşenkonu dəyərləndirmək: Belarus mədəni və geosiyasi kontekstdə" adlı kitabının bəzi fraqmentləri tərcümə edilib.

Kitabın müəllifinə geniş müsahibə verən Aleksandr Lukaşenko maraqlı fikirlər səsləndirib. Onun sözlərinə görə, o, özünü tam "xalqın adamı" hesab edir və Rusiyadan fərqli olaraq oliqarxları varlandırmaqla məşğul olmur.

"Əlbəttə oliqarxları varlandırmaq milyonlar üçün yaxşı həyat şəraiti yaratmaqdan çox asandır. Rusiyaya baxarkən siz bunu aydın görürsünüz, həmçinin Ukraynaya baxarkən. Ukrayna bu məsələdə bizə bənzəyir. Rusiyanın vəziyyəti yaxşıdır. ona görə ki, neft satır. Bu gün orada 85 milyarder var, öz şəxsi təyyarələrində uçurlar. Bizdə isə bunu bir nəfər edə bilər, o da mən, "xalqın adamı". Mənə tez-tez deyirlər ki, sən ictimai rəylə razlışarmırsan, saymırsan ictimaiyyəti. Bilirsiniz əgər mən Ukraynada olsaydım bu məsələ məni narahat edərdi, burada isə nəyimə lazımdır?", deyə Lukaşenko müsahibəsində bildirib.

Daha sonra Belarus prezidenti vurğulayıb ki, "mən gözəl başa düşürəm ki, Belarusiya uğurunda mübarizə gedir. Belarusu ya Rusiya əlinə keçirdəcək, ya da Qərb ağılla özünə tabe edəcək, istənilən halda Belarus kaloniyadır. Baxın Şərqi Avropa ölkələri Avropa İttifaqının üzvüdürlər. Amma nə olsun, əsas ölkələr Almaniya, Fransa, Britaniya, İtaliya bu ittifaqın siyasətini müəyyən edirlər. Geridə qalanlar isə "burunlarını çəkib" oturmalıdırlar. Hələ Avropada vəziyyət dözüləndur. Amma Rusiya neynir? Siz bilirsiniz, hər şeyi özəllşədirir, hər şeyi ver onlara özün də keç Rusiyanın tərkibinə! Vəziyyət belədir, ona görə də "iki suyun arasında qalmışam" və dövləti saxlamaq üçün çalışıram".

Ölkə.az