Gürcüstan hökuməti larini xilas etmək üçün danışıqlara başladı

Kaxa Kaladze müsahibəsində laridən danışıb.

Ölkə.Az "Rosbalt" agentliyinə istinadən xəbər verir ki, Gürcüstan hökuməti dəyərsizləşən larinin dəstəklənməsi üçün konkret tədbirlərin işlənməsi üçün Beynəlxalq Valyuta Fondu ilə danışıqlara başlayıb. Bu barədə Gürcüstanın baş nazir müavini Kaxa Kaladze danışıb.

O etiraf edib ki, lari çox ağır vəziyyətdədir və ölkədə ağır sosial fon hökm sürür. Onun sözlərinə görə, hökumətin fəaliyyət planı bu həftə təqdim olunacaq, lakin bu cür ağır iqtisadi şəraitdə 2015-ci ildə iqtisadi artım planlaşdırılmış 5% əvəzinə 2-2,5% olub.

Baş nazir müavini izah edib ki, lari ilə bağlı problemlər əsasən dünyada və qonşuluqda olan ölkələrin analoji milli valyuta problemləri ilə şərtləndirilib.

Rəşid Mustafazadə

Ölkə.Az