Con Kerri: "ABŞ və İranı ümumi maraqlar birləşdirir"
Con Kerri İranla münasibətlərə toxunub.
Ölkə.Az "Agence France Presse"a istinadən xəbər verir ki, ABŞ dövlət katibi Con Kerri 25 fevralda ABŞ qanunvericilərinə müraciət edərkən ABŞ və İranın ortaq maraqlara malik olduğunu bəyan edib.
O qeyd edib ki, ABŞ və İranı ortaq maraqlar birləşdirir və bura ilk növbədə İŞİD terror qruplaşmasının dağıdılması daxildir.
"Onlar qətiyyən İŞİD-in əleyhinədirlər və İraq-İran sərhədindəki yanğınları söndürürlər. Onlar həm də regionun gələcəyindən narahatdırlar. Bununla, bizim ən azından ümumi maraqlarımız var, ümumi səylər olmasa da", - deyə Kerri bildirib.
Dövlət katibi qeyd edib ki, Vaşinqton İranla nüvə proqramı məsələsi üzrə anlaşmaya həlledici əhəmiyyət verir.
Rəşid Mustafazadə
Ölkə.Az
