İŞİD-ə bomba yağdırıldı

İŞİD terror qruplaşmasının Suriyanın şimal-şərqindəki mövqelərinə avia zərbələr endirilib.

Bu haqda Londondakı Suriya İnsan Haqları Mərkəzi xəbər verib. İslamçılar bu həftə həmin ərazidə 200-dən çox yerli xristianı girov götürüblər.

Məlumata görə, əsas hədəf yaraqlıların Tel-Tamar şəhəri ətrafındakı mövqeləri olub. Yaraqlılar bu ərazidəki kəndlərdə azı 220 xristianı girov götürüblər. Assuriyalıların birləşdiyi Suriya Birlik partiyasının rəhbəri Exove Qouriyenin AzadlıqRadiosuna verdiyi məlumata görə əsirlərin əksəriyyəti Al Shadadeyə aparılıblar.

O beynəlxalq aləmi assuriyalıları və onların tarixi ərazilərini müdafiə etməyə çağırıb. Hazırda İraq və Suriyanın xeyli hissəsinə nəzarət edən İslamçı yaraqlılar dini azlıqların yüzlərlə üzvünü qətlə yetiriblər. (anspress)

Ölkə.Az