Obamadan Nemtsovun öldürülməsinə münasibət

Obama Nemtsovun öldürülməsini pisləyib.

Ölkə.Az "Agence France Presse"a istinadən xəbər verir ki, ABŞ prezidenti Barak Obama rusiyalı müxalifət lideri Boris Nemtsovun qətlə yetirilməsini pisləyib.

O, Rusiya müxalifəti lideri, prezident Vladimir Putinin tənqidçisi olan Boris Nemtsovun bu cür qəddarlıqla öldürülməsini kəskin şəkildə pisləyib. Obama Rusiya hökumətini təcili və şəffaf təhqiqat apararaq günahkarların cinayət məsuliyyətinə cəlb edilməsinə çağırıb.

"Nemtsov Rusiya vətəndaşlarının bütün insanların malik olduğu hüquqlardan yararlanması uğrunda mübazir apara, ölkəsinin yorulmaz müdafiəçisi idi", - deyə Barak Obama bəyan edib.

Xatırladaq ki, fevralın 27-dən 28-nə keçən gecə Moskvada Rusiyanın müxalifət lideri Boris Nemtsov naməlum şəxs tərəfindən güllələnərək öldürülüb. Müxalifətçinin ölüm faktını siyasətçi İlya Yaşin təsdiq edib. Yerli hüquq-mühafizə orqanlarındakı mənbənin məlumatına əsasən, naməlum şəxs dörd dəfə müxalifət liderinə atəş açıb. Boris Nemtsov ağır yaralardan yerindəcə keçinib.

Rəşid Mustafazadə

Ölkə.Az