İstintaq: Nemtsovu qeyri-peşəkarlar öldürüb

Muzdlu qatillər hədəflərinin kim olduğunu bəlkə də bilmirdilər.

Ballistik ekspertiza və meyitin yarılmasından sonra əldə edilən bir sıra məlumatlar, siyasətçi Nemtsovun qeyri-peşəkarlar tərəfindən qətlə yetirildiyini demək imkanı verir. Hüquq-mühafizə orqanlarının bir sıra eksperti belə düşünür. Bu iddia üçün əsas, atəş açan insanın sərraflığı və istifadə etdiyi sursat olub.

Bu barədə “Kommersant” ilə söhbət zamanı hüquq-mühafizə orqanlarının mütəxəssisləri bildirib. Ekspertlərin əldə etdikləri məlumatlar Nemtsovun qeyri-peşəkar qatillər tərəfindən öldürüldüyünü deməyə əsas verir. Bu versiyanın əsaslandırılması üçün hal-hazırda iki variant mövcuddur.

Birincisi, siyasətçiyə atılan altı güllədən dördü hədəfə dəyib. Videoçəkilişdən gördüyümüz kimi, qatil qurbanından o qədər də uzaq məsafədə dayanmayıb, bu məsafə üçün 6-dan hədəfə dəyən 4 güllə yüksək göstərici hesab oluna bilməz. Bundan başqa, bu 4 yaradan yalnız biri ölümcül olub. Xəbər verildiyi kimi yoxlama atəşində belə qatil uğursuz olub, belə ki, başa nişan aldığı halda güllə toxunaraq keçib. Günün qaranlıq saatları olmasına baxmayaraq, bu məhz qatilin qeyri-peşəkarlığının əlamətidir.

İkincisi, istifadə edilən patronların markirovkası bu qeyri-peşəkarlığı təsdiqləyir.

“Kommersant” xəbər verir ki, 4 patron Yuryuzansk mexanika zavodunda 1986-cı ildə, digər 2-si isə 1992-ci ildə Tula patron zavodunda istehsal edilib. Baxmayaraq ki, müəyyən şəraitdə saxlanılarkən bu sursatların ömrü daimi ola bilər, yenə də “qara bazar”da bu çox nadir hallarda olur; adıçəkilməyən hüquq-mühafizə orqanı əməkdaşının fikrincə patronlar müxtəlif yerlərdən yığılıb. Doğrudur, kriminalı öz həyat tərzinə çevirən insanlara bunu izah etmək asan deyil.

Amma bununla yanaşı, bunun əksinə olan digər faktları da qeyd etməmək mümkün deyil. Məsələn, qətl həmin rayonda quraşdırılmış yalnız bir kamera ilə çəkilib: Bolşoy Moskvoreski körpüsünün əksər kameraları həmin zaman təmir üçün söndürülmüş olub./Oxu.az/

Ölkə.Az