​Tacikistanda parlament seçkilərində prezidentin partiyası qalib gəlib

Tacikistan prezidenti Emoməli Rəhmonun başçılıq etdiyi Xalq Demokrat Partiyası parlament seçkisində qalib gəlib.

Bu haqda ölkənin Seçkilər və Referendum üzrə Mərkəzi Komissiyasının açıqlamasında bildirilib.

Martın 1-də keçirilən parlament seçkisinin nəticələrinə əsasən, seçicilərin 87,7%-i səsvermədə iştirak edib, onların 65,2%-i isə Tacikistan Xalq Demokrat Partiyasına (TXDP) səs verib.

TXDP ilə yanaşı Aqrar Partiya, İqtisadi İslahatlar Partiyası və ölkə tarixində ilk dəfə Sosialist Partiyasının üzvləri də parlamentə seçiliblər./Report/

Ölkə.Az