Tatar Diasporundan Tatarstan rəhbərliyinə
Türkiyədə yaşayan tatar dərnəkləri Tatarstan Respublikasının rəhbərliyinə müraciət ünvanlayıb.
Tatarstan Respublikasının prezidenti R. Minnixanova, dövlət müşaviri M. Şaymiyevə və Dövlət Şurasının sədri F. Muxametşinə:
MÜRACİƏT
Hörmətli Tatarstan Respublikasının rəhbərləri! Sizə sizin emmiqrasiyada olan olan soydaşlarınız müraciət edirlər.
Hər kəsə məlum olan faktdır ki, Kazan tatarları və Rusiyanın digər yerli xalqları əsrlər boyu rus imperiyası tərəfindən müstəmləkəçiliyə, soyqırıma məruz qoyularaq qırılıblar. Məcburi xristianlaşdırılma, bizim mənəvi-mədəni köklərimizi qoparmaq, dinimizi, dilimizi əlimizdən almaq, alkoqolizm və əxlaqsızı xalqımızın arasına yaymaq Moskvanın əsrlərdir yürütdüyü siyasətin özəyini təşkil edir. Bu siyasət bu gün də Kremlin prioteti olaraq qalmaqdadır. "Rus dünyası" layihəsi Rusiya ərazisində yaşayan digər xalqların varlığını davam etdirmək və çiçəklənməsini nəzərdə tutmur. Bu layihə ancaq pravoslavların rifahına qulluq edən bir layihədir. Müsəlman fəalların və milli hərəkat fəalları ətrafında yaranan gərginlik Kreml və faşist ideyalarına sadiq qalan Rusiyanın xüsusi xidmət orqanları tərəfindən süni yaradılmış bir problemdir. Bundan istifadə edilərək öz soydaşlarını və dindaşlarını qəflət yuxusundan oyatmaq istəyən millətini və dinini sevən qeyri-rus fəallar saxta cinayət işi ilə həbs edilir, incidilirlər. Kremlin cəza zindanlarınının divarları arxasında bu fəallarəa verilən işgəncələr haqqında sübutlarla və faktlarla təsdiq olunmuş məlumatlar dəfələrlə mətbuata sızıb. Rusiyada azad məhkəmə və ədalət anlayışı demək olar ki, yoxdur. İnsanlar siyasi motivlər əsasında uzun müddətli həbs cəzalarına məhkum edilirlər. Bu isə Rusiya üçün beynəlxalq aləmdə utanc verici bir şeydir. Sizlər hamınız yetişkin insanlarsınız, sizin siyasi ambisiyalarınız və və bütün iddialarınız gözəl həyatınız kimi tam təmin olunub. Sizin millətinizə və xalqınıza xidmət etmək, ulu əcdadınızın adına layiq olmaq, vətəninizə sədaqət nümayiş etdirmək üçün bütün imkanlarınızın olduğu bir halda doğrudanmı siz tarixdə "ağ çarın" əlaltıları kimi qalmaq istəyirsiniz?
Biz qürbətdəki tatarlar sizə müraciət edərək bildiririk ki, bu özbaşınalığa son qoymaq üçün əlinizdən gələni edin. Tatar xalqının liderləri, Tatar İctimai Mərkəzinin sədri Rafis Kaşapovun, "İttifaq" partiyasının sədri, yazıçı, tarixçi Fauziyya Bayramovanın saxta cinayət işi əsasında təqib edilməsini dayandırın. Rafis Kaşapovun Rusiya Cinayət Məcəlləsinin 282-ci və 58-ci maddələri əsasında, məntiqsiz "antisovet propoqandası"na görə həbsdə qalmasının qarşısını alın. Tatar xalqının bu ləyaqətli nümayəndələri dilimiz, mədəniyyətimiz, ənənələrimizin yaşaması üçün əllərindən gələni ertmiş və xalqımız üçün əmlaklarından və azadlıqlarından keçmişlər. Öz xalqınıza xidmət edin və onun qeyrətli oğullarına və qızlarına qarşı terroru dayandırın!
Türkiyədəki tatar dərnəkləri:
Eskişehir Kazan Tatarları Derneği
Konya Böğrüdelik Sibirya Tatarları Derneği
Miras Kazan Tatarları Derneği
Ölkə.az
