Maliyyə nazirliyi: Ehtiyat fondu 10 dəfə azalacaq

Maliyyə Nazirliyinin proqnozlarına görə, 2015-2016-cı illərdə Ehtiyat fondu 10 dəfə azalacaq.

Ölkə.az "İnterfax" agentliyinə istinadən xəbər verir ki, Rusiyanın Maliyyə Nazirliyi qarşıdan gələn illər üçün maliyyə strategiyasını açıqlayıb. Nazirliyin proqnozlarına əsasən 2015-ci ildə Rusiya büdcəsinin kəsirləri ÜDM-in 3,8%-ni, və ya 2,76 trilyon rubl təşkil edəcək.

Nazirlik 2016-cı ilin əvvəlində valyuta rezervlərindən 1,158 trilyon rubl xərcləməyi planlaşdırır. Bu zaman Rusiyanın Ehtiyat fondundakı pulun həcmi 519,3 milyard rubla qədər düşəcək. Bu rəqəm hazırki kurs nəzərə alınsa 8,5 milyard dollara bərabərdir.

Analitiklər bunu Rusiya üçün ən dəhşətli fəlakət adlandırırlar.

Ölkə.az