Şimali Koreya ABŞ-a nüvə zərbəsi endirə bilər

KXDR ABŞ-a qabaqlayıcı nüvə zərbəsi endirə bilər.

Ölkə.Az "Reuters" agentliyinə istinadən xəbər verir ki, Şimali Koreya rəhbərliyi lazım olduqda ABŞ-a qabaqlayıcı nüvə zərbəsi endirə bilər.

Bunu Şimali Koreya Xarici işlər nazirliyinin başçısı Li Su Yon bəyan edib.

Nazir KXDR sərhədində ABŞ və Cənubi Koreyanın birgə təlimlər keçirməsini pisləyib. O, bu təlimləri provokasiya və müharibənin alovlanmasına səbəb adlandırıb.

Xatırladaq ki, bir müddət öncə KXDR lideri Kim Çen In ordunu ABŞ və onun müttəfiqləri ilə müharibəyə hazır olmağa çağırıb.

Rəşid Mustafazadə

Ölkə.Az