İran ABŞ-ın tələbini rədd etdi

İran Obamanın nüvə proqramının dondurulması barədə tələbini rədd edib.

Ölkə.Az iran KİV-lərinə istinadən xəbər verir ki, İran Xarici işlər naziri Cavad Zərif nüvə proqramının 10 il müddətinə dondurulması barədə ABŞ prezidenti Barak Obamanın tələbini qəbuledilməz adlandırıb.

"Daxili istehlak üçün nəzərdə tutulmuş bu PR kampaniya qəbuledilməzdir", - deyə İsveçrənin Montre şəhərində Zərif bildirib.

Bir müddət öncə Obama bəyan edib ki, İran yekun razılaşmanın əldə olunması üçün minimum 10 il müddətinə nüvə proqramını dondurmalıdır. Bununla yanaşı, prezident nüvə proqramının dayandırılması barədə danışıqlar gedən vaxt konqressi İrana qarşı əlavə sanksiyaların tətbiq olunması təklifindən imtina etməyə çağırmışdı. Obamanın fikrincə, senatorların müdaxiləsi hazırki diplomatik nailiyyətləri dağıda bilər.

Rəşid Mustafazadə

Ölkə.Az