Rusiyada azərbaycanlı “qanuni oğru”nu saxladılar

İlham müvəqqəti saxlama təcridxanasındadır.

Rusiyanın Çelyabinsk vilayətində polis əməkdaşları kriminal avtoritet olan – vilayətə nəzarət edən İlham Osmanovun saxlanılması ilə bağlı xüsusi əməliyyat keçirib.

Oxğru aləminin nümayəndəsi 11 milyon rubl tələb etməkdə şübhəli bilinir.

Saytın məlumatına əsasən, kriminal aləmdə sadəcə İlham adlandırılan avtoritetin üzərinə baxış zamanı səsboğuculu tapança aşkar olunub. Ona qarşı həmçinin qanunsuz silah dövriyyəsi maddəsi üzrə də ittiham irəli sürülə bilər.

Hazırda İlham Osmanov müvəqqəti saxlama təcridxanasındadır. Ona qarşı həbs-qətimkan tədbirinin seçilməsi məsələsinə baxılır./Oxu.az/

Ölkə.Az