Mətn ölçüsü:
  • 100%

Türkiyədə müxalifət lideri qətlə yetirildi

Türkiyədə tacik müxalifət liderlərindən biri öldürülüb.

Ölkə.Az "RBK"a istinadən xəbər verir ki, Tacikistanın müxalifət liderlərindən biri olan Umarali Kuvatov ötən axşam İstanbulda qətlə yetirilib. Bildirilir ki, Duşənbədə hakimiyyətin ələ keçirilməsində ittiham olunan "24-lər qrupu"nun 47 yaşlı lideri Süleyman adlı tanışı ilə evdə şam yeməyi edib. Küçəyə çıxdlqdan sonra o öldürülüb.

Maraqlısı odur ki, şam yeməyi zamanı Kuvatov və onun qohumları özlərini piss hiss edib və xəstəxanaya yollanıblar. Bu vaxt siyasətçiyə bir nəfər naməlum şəxs yaxınlaşaraq, onunla tacik dilində danışıb və baş nayihəsindən güllələyib. Qohumların sözlərinə görə, qonaq özünü şübhəli aparırdı və ola bilsin ki, yeməyə zəhər atıb. Sözügedən qonaq saxlanılıb.

Bir müddət öncə Tacikistan hökuməti Rusiya və BƏƏ-dən Kuvatovun təhvil verilməsini tələb etmişdi. O, 2012-ci ildə Dubayda saxlanılmış və istintaqdan sonra buraxılmışdı. Bundan sonra Kuvatov Türkiyəyə köçmüşdü.

Rəşid Mustafazadə

Ölkə.Az