Britaniya Ukraynaya təmənnasız hərbi yardım edəcək

Böyük Britaniya Ukraynaya 1,3 milyon dollar dəyərində hərbi yardım göndərəcək.

Ölkə.Az "TASS" agentliyinə istinadən xəbər verir ki, Böyük Britaniya Ukraynaya növbəti dəfə təmənnasız hərbi yardım göndərməyə hazırlaşır. Britaniya Müdafiə nazirliyinin yaydığı məlumata əsasən budəfəki partiyanın ümumi dəyəri 1,3 milyon dollar olacaq.

Yük partiyasına gecəgörmə qurğuları, daşınan kompüterlər, ilk tibi yardım dəstləri, naviqasiya sistemləri və s. daxildir. Yükün yaxın həftələrdə çatdırılması gözlənilir.

Böyük Britaniyanın hərbi idarəsindən qeyd olunur ki, partiya ukraynalılara yerlərdə vəziyyəti daha yaxşı idarə etmək və yeni qurbanların qarşısını almaq üçün nəzərdə tutulub.

Xatırladaq ki, martın 2-i Ukrayna prezidentinin ştatdankənar müşaviri Mixal Saakaşvili ölkəyə silah təchizatı perspektivlərini yüksək qiymətləndirmişdi. Onun sözlərinə görə, ABŞ-ın müvafiq qərarı 99 faiz hazırdır.

Rəşid Mustafazadə

Ölkə.Az