Nemtsovun qətlində şübhəli bilinən iki nəfər saxlanıldı
Onlar qafqazlılardır.
Boris Nemtsovun qətlində şübhəli bilinən iki nəfər saxlanılıb. Bu barədə Rusiyanın Birinci kanalının jurnalisti rəsmi tvitter səhifəsində yazıb.
O, məlumatında Federal Təhlükəsizlik Xidmətinə (FTX) istinad edir.
Birinci kanalın canlı efirində FTX-nin rəhbəri Aleksandr Bortnikov saxlanılanların adlarını açıqlayıb.
“Aparılmış əməliyyatlar nəticəsində bu cinayəti törətməkdə şübhəli bilinən iki nəfər saxlanılıb. Onlar Qubaşev Anzor və Dadaev Zaurdur”, - o deyib.
O, qeyd edib, şübhəli şəxslər qafqazlılardır.
“Hazırda lazımı əməliyyat-axtarış və istintaq tədbirləri davam etdirilir”, - o deyib./Oxu.az/
Ölkə.Az
