Ölkəsində çempion, İsveçdə dilənçi qadın

Qadınlar arasında taekvondo üzrə Rumıniya çempionu Mirela Stefanaçenin bir müddət əvvəl İsveçə köçdüyü və burada dilənçilik etdiyi məlum olub.

İdmançı maliyyə böhranları ilə mübarizə aparmaq üçün İsveçdə yaxşı həyat arzusu ilə xəyallar quran minlərlə avropalıdan biridir.

Xəyalının arxasınca İsveçə gəlmiş idmançı iş tapmadığına görə küçədə dilənməyə məcbur olub.

Yerli televizya kanallarından birinə müsahibə verən qadın bunları söyləyib: “Həyatım tam dəyişdi. Burada dilənçilik etdiyim günləri heç vaxt unutmayacağam. Rumıniyada dostum yoxdur. İsveçdə yeni gələcək qurmaq istəyirəm”.

Onunla bağlı xəbərlər yerli mediada yayıldıqdan sonra M.Stefanaçenin hoteldə xadimə kimi şə götürüldüyü məlum olub./trend/

Ölkə.Az