NATO Qara dənizdə hərbi təlimlərə başladı

Qara dənizdə NATO-ya üzv olan ölkələrin hərbi gəmilərinin iştirak etdiyi təlimlərə start verilib.

Ölkə.az alyansın rəsmi saytına istinadən xəbər verir ki, Rusiyanın etirazlarına baxmayaraq ABŞ, Türkiyə, Rumıniya, Bolqariya, Kanada, Almaniya və İtaliyanın hərbi gəmilərinin iştirak etdiyi təlimlər Qara dənizin neytral sularında başlayıb.

Təlimlərin başlamasına Rusiya XİN kəskin etiraz edərək bəyanat yayıb. Rusiya XİN-in rəsmi nümayəndəsi Aleksandr Lukaşeviç Rusiya sərhədləri yaxınlığında keçirilən təlimlərin "narahatlıq doğurucu və təxribat xarakterli" olduğunu bəyan edib.

Xatırladırıq ki, təlimlərdə ABŞ donanmasının flaqmanı sayılan "Viksburq" raket kreyseri də iştirak edir.

Ölkə.az