Arktikada \"soyuq müharibə\": Şimal dövlətləri Rusiya ilə əlaqələrini kəsdi

Şimal ölkələrinin Nazirlər Şurasının Rusiyanın şəhərlərində yerləşən informasiya büroları bağlanıb.

Ölkə.az Rusiya mətbuatına istinadən xəbər verir ki, Şuranın Peterburq, Kalininqrad, Murmansk, Petrozavodsk və Arxangelskdəki mərkəzləri bağlanıb.

Şimal ölkələri Nazirlər Şurasının ofisindən verilən xəbərə görə isə, bu qərarın alınmasının əsas səbəbi Rusiya hökumətinin bu mərkəzləri "xarici casuslar" siyahısına salınmasıdır.

"Şimal ölkələrinin hökumətləri öz fəaliyyətlərini "xarici casus" statusu altında davam etdirə bilməzlər", deyə Şuranın əməkdaşlıq məsələləri üzrə naziri Krsten Hansen bildirib.

Xatırladırıq ki, qurumun Rusiyadakı ilk nümayəndəliyi 20 il əvvəl yaradılıb. Qurumun baş ofisi Danimarka, İslandiya, Norveç, Finlandiya, İsveç, Farer adaları, Qrenlandiya və Aland adaları tərəfindən maliyyələşdirilir.

Ölkə.az