MKİ-nin direktoru: "Bəşər Əsədin devrilməsini istəmirik"
ABŞ Mərkəzi Kəşfiyyat İdarəsinin direktoru Con Brennan verdiyi bəyanatla hər kəsi şoka salıb.
Ölkə.az ABŞ mediasına istinadən xəbər verir ki, MKİ-nin direktoru Con Brennan Bəşər Əsəd rejiminin devrilməsini istəmədiklərini bildirib.
"ABŞ rəhbərliyinin Suriyadakı rejimin devrilməsindən sonra orada kimin hakimiyyətə gəlməsi məsələsində bəzi narahatlıqları var. Hazırda bu ölkənin bəzi bölgələrinə İŞİD və Əl-Qaidə kimi teror təşkilatları nəzarət edir. Onların Suriyada hakimiyyətə gəlməsinin nəticələrinin nə olacağı isə çox düşündürücüdür. Hazırda heç birimiz, nə Rusiya, nə ABŞ, nə də koalisyon ölkələri Əsədin devrilməsini istəmirik", deyə ABŞ kəşfiyyatının rəhbəri hər kəsi çaşqınlıq içərisində buraxıb.
Ölkə.az
