Vaxtanq Kikabidze siyasi sığınacaq istədi

Vaxtanq Kikabidze Ukraynada siyasi sığınacaq istəyir.

Ölkə.Az "UNN"a istinadən xəbər verir ki, Gürcüstanın Xalq artisti Vaxtanq Kikabidze Kiyevdə həyat yoldaşı ilə birlikdə ukrayna hökumətindən siyasi sığınacaq istəmək fikrində olduqlarını bəyan edib.

Ukraynanın paytaxtında mətbuat konfransında Gürcüstanın Xalq artisti Vaxtanq Kikabidze jurnalistlərə bildirib ki, Ukraynadan siyasi sığınacaq almaq barədə ciddi düşünür.

Artistin sözlərinə görə, onun həyat yoldaşı bu işdə onu dəstəkləyir.

"Mən dünən arvadıma dedim ki, gəlin siyasi sığınacaq istəyək. O dedi: yaxşı", - deyə Kikabidze qeyd edib.

Vaxtanq Kikabidze əlavə edib ki, yeni gürcü nazirlər Ukrayna hökumətinə böhrana qalib gəlməyə kömək edərlər.

Xatırladaq ki, Ukraynada Kikabidzeyə "İlin adamı" mükafatının verilməsi gözlənilir.

Rəşid Mustafazadə

Ölkə.Az